શાળા પ્રશાસનને તાત્કાલિક અસરથી આરોપી શિક્ષકને ફરજ માંથી ડિસમિસ કર્યો
મુન્દ્રા તાલુકાના નાના કપાયા ગામે અંગ્રેજી માધ્યમની શાળામાં અભ્યાસ કરતી એક વિદ્યાર્થીની સાથે શાળાના શિક્ષકે દુષ્કર્મ આચર્યાની ઘટના પ્રકાશમાં આવ્યા બાદ એક તરફ શાળા પ્રશાસન દ્વારા જય માવજી ઠક્કરના આરોપી શિક્ષકને ફરજમાંથી પાણીચું આપી દીધું છે બીજી તરફ પોલીસ દ્વારા તપાસ તાત્કાલિક હાથ ધરીને આરોપીને પકડી પાડ્યા બાદ તેની ઘનિષ્ઠ પૂછપરછ ચાલી રહી છે આવતીકાલે આ આરોપીને અદાલતમાં રજૂ કરી પોલીસ દ્વારા રિમાન્ડની માંગણી કરવા તૈયારી આરંભી છે.
દરમિયાન શરમજનક અને શિક્ષણ જગતને લાંછન લગાવતી આ ઘટનાની શરમજનક કહાની એ છે કે શિક્ષકની હવસનો શિકાર બનેલી સંબંધિત બાળાને ધાક-ધમકી કરી આરોપી નરાધમ શિક્ષકે ગત ૨૦મી ડિસેમ્બરે ભોગ બનેલી બાળાને ઘરેથી દાગીના ચોરી લાવવા મજબૂર કરી હતી અને ગત ૨૦મી ડિસેમ્બરે સંબંધિત ભોગ બનેલી ભાડાના ઘરમાંથી ૧.૨૦ લાખની કિંમતના દાગીનાની ચોરી થયા બાદ પોલીસ ફરિયાદ નોંધાયા પછી પોલીસ તપાસ દરમિયાન આ ચોરીમાં જાણભેદુ હોવાની શક્યતાના આધારે પોલીસે સંબંધિત બાળાની પૂછપરછ કરતા આ નરાધમ શિક્ષકના કાળા કરતૂતોનો પર્દાફાશ થયો હતો. મુન્દ્રા પોલીસે તપાસ દરમિયાન એ પણ સ્પષ્ટ કરી દીધું છે કે ચોરાઉ દાગીના સંબંધિત શિક્ષકે હસ્તગત કર્યા બાદ એ દાગીના મુન્દ્રાના એક વેપારી પાસે વેચાણ કરેલ હતું તે મુદ્દામાલ રિકવર કરવામાં આવેલ છે આમ નરાધમ શિક્ષકના કાળા કરતૂતોનો પર્દાફાસ થઈ ગયો છે આવતી કાલે કોર્ટમાં રજૂ કરી આ નરાધમના રિમાન્ડ મેળવાસે જે રિમાન્ડ દરમિયાન નરાધમ હવસખોર શિક્ષકના કેટલાક વધુ કારનામા ખુલે તેવી શક્યતા પણ નકારી શકાતી નથી.
અહેવાલ : સમીર ગોર મુન્દ્રા દ્વારા
પ્રકાશિત નિતેશ ગોર – 9825842334
