મુન્દ્રા તાલુકાના ઝરપરા ગામે હીરબાઈ શિવરાજ સેડા નામની મહિલાની હત્યા થયાની ઘટના બાદ આ હત્યા તેણીના પતિ શિવરાજ જખુ શેડાએ કરી હોવાની અને હત્યા બાદ આરોપી પતિ શિવરાજ ફરાર થઈ ગયાનું બહાર આવ્યા બાદ બપોરે આરોપી શિવરાજ પણ છોડે દૂર એક વૃક્ષ પર ગળે ફાંસો ખાધેલી હાલતમાં મળી આવતા આરોપીએ પણ પત્નીની હત્યા બાદ આત્મહત્યા કરી લીધાનું ફલિત થયું છે ઝરપરા ગામ સહિત કચ્છી ચારણ ગઢવી સમાજમાં ચકચાર મચાવનાર આ ઘટનામાં ઘર કંકાસ કારણભૂત હોવાનું પ્રાથમિક ચિત્ર આવ્યું છે. પ્રથમ હીરબાની હત્યા બાદ આરોપી પતિ સામે તેના પુત્રએ મુન્દ્રા પોલીસમાં ફરિયાદ નોંધાવી હતી દરમિયાન આરોપી ફરાર હોઇ તેની પોલીસ અને પરિવારજનો દ્વારા શોધખોળ હાથ ધરાઈ હતી દરમિયાનમાં હત્યા થયાના સ્થળથી થોડે દૂર આવેલ અન્ય એક વાડીના શેઢા પર આવેલ વૃક્ષમાં લટકતી મૃત હાલતમાં આરોપીની લાશ મળી આવી હતી. પોલીસે આ મામલે વિશેષ તપાસ હાથ ધરી છે. પ્રાથમિક તપાસમાં ઘર કંકાસ કારણભૂત હોવાની વિગતો સપાટી પર આવી છે આ ઘટનાએ સમગ્ર કચ્છી ચારણ ગઢવી સમાજમાં ચકચાર મચાવી દીધી છે.
પ્રકાશિત : નિતેશ ગોર ભૂજ
અહેવાલ : પ્રતિનિધિ સમીર ગોર મુંદ્રા
