એ-ડિવિઝન પોલીસ સ્ટેશન વિસ્તારમાંથી આશરે 300 કિલો એલ્યુમીનીયમ વાયર અને પીકઅપ વાહન મળી કુલ રૂ. 6.50 લાખનો મુદ્દામાલ કબજે કરાયો…
પશ્ચિમ કચ્છ-ભુજ લોકલ ક્રાઈમ બ્રાન્ચ (LCB) દ્વારા એ-ડિવિઝન પોલીસ સ્ટેશન વિસ્તારમાં પેટ્રોલિંગ દરમિયાન આધાર-પુરાવા વગરના એલ્યુમીનીયમ વાયરો સાથે એક ઇસમને ઝડપી પાડવામાં આવ્યો છે. LCBની ટીમે શંકાસ્પદ રીતે મળી આવેલા એલ્યુમીનીયમ વાયરો અંગે આધાર-પુરાવા માંગતા ઇસમ યોગ્ય પુરાવા રજૂ કરી શક્યો ન હતો. જેથી પોલીસે આશરે 300 કિલો એલ્યુમીનીયમ વાયર, કિંમત રૂ. 1.50 લાખ, તેમજ મહીન્દ્રા કંપનીની સફેદ કલરની પીકઅપ ગાડી નં. GJ-12-CV-2583, કિંમત રૂ. 5 લાખ મળી કુલ રૂ. 6.50 લાખનો મુદ્દામાલ કબજે કર્યો હતો. આ કાર્યવાહી દરમિયાન પોલીસે રજબઅલી બરકતઅલી પઠાણ, રહે. ભીડનાકા બહાર, સિતારાચોક, ભુજને ઝડપી પાડ્યો છે. કબ્જે કરાયેલ મુદ્દામાલમાં એલ્યુમીનીયમ વાયર આશરે 300 કિલો — રૂ. 1,50,000/- મહીન્દ્રા કંપનીની સફેદ કલરની પીકઅપ ગાડી નં. GJ-12-CV-2583 — રૂ. 5,00,000/- કુલ મુદ્દામાલ — રૂ. 6,50,000/- , આ સમગ્ર કામગીરી PI એ.એમ. મકવાણા, PSI જે.બી. જાદવ, એમ.એચ. શીણોલ, ASI અનિરુધ્ધસિંહ રાઠોડ, નિલેશભાઈ ભટ્ટ, HC ધર્મેન્દ્રભાઈ રાવલ, શક્તિસિંહ ગઢવી તથા જીવરાજભાઈ ગઢવી સહિતની ટીમ દ્વારા કરવામાં આવી હતી.
