ગુજરાત રાજ્યનાં મુખ્યમંત્રી શ્રી ભૂપેન્દ્રભાઈ પટેલ તથા ગુજરાત પ્રદેશ ભારતીય જનતા પાર્ટીના પ્રદેશ અધ્યક્ષ શ્રી સી.આર. પાટીલની રજૂઆતથી ગુજરાતનાં દરેક સાંસદશ્રીઓને મતક્ષેત્રનાં વિકાસ અર્થે તથા માર્ગ નિર્માણ હેતુ ૧૦ કરોડ રૂપિયાની ગ્રાન્ટ ફાળવવામાં આવેલ છે તે બદલ આજરોજ દિલ્લી સ્થિત પ્રદેશ અધ્યક્ષ શ્રી સી.આર. પાટીલના નિવાસસ્થાને સૌ સાંસદશ્રીઓએ તેઓનો તથા મુખ્યમંત્રી શ્રી ભૂપેન્દ્રભાઈ પટેલનો આભાર વ્યકત કર્યો હતો તેમ કચ્છ મોરબીનાં સાંસદશ્રી વિનોદભાઇ ચાવડાએ જણાવ્યું હતું. રાજ્યનાં રોડ અને રસ્તા બહેતર બને એ માટે દરેક સાંસદોને ગ્રાન્ટ ફાળવવા માનનીય મુખ્યમંત્રીશ્રી ભૂપેન્દ્રભાઈ પટેલને ભાજપ પ્રદેશ અધ્યક્ષ શ્રી સી.આર. પાટીલે રજૂઆત કરી હતી. આ રજૂઆતને પગલે માનનીય મુખ્યમંત્રીશ્રીએ રોડ, રસ્તા માટે દરેક સાંસદ સભ્યો માટે રૂપિયા ૧૦ કરોડ ફાળવી આપ્યાં છે તે માટે કચ્છનાં સાંસદશ્રી વિનોદભાઇ ચાવડાએ આભાર માન્યો હતો. આ નિર્ણય બાદ દિલ્લી ખાતે લોકસભાનાં સાંસદશ્રીઓએ પ્રદેશ અધ્યક્ષ શ્રી સી.આર. પાટીલની બધા સાંસદોએ મુલાકાત લઈ આભાર વ્યક્ત કર્યો હતો.
પ્રકાશિત : નિતેશ ગોર – 9825842334
