પશ્ચિમ કચ્છ પોલીસની હદમાં આવતા વિસ્તારમાં છેલ્લા એક સપ્તાહથી હત્યા ઉપર હત્યાના બનાવો અવિરત બનવા લાગતા પોલીસ તંત્ર અબડાસા તાલુકા પેટાચૂંટણીના ધમધમાટ વચ્ચે દોડધામમાં પડી ગયું છે દયાપર વિસ્તારમાં ગુનેરીની સીમમાં એક અજાણી મહિલાની હત્યાનો ભેદ ઉકેલાયો નથી ત્યાં માંડવી તાલુકાના ફરાદી ગામની સીમમાં વડોદરાથી પોતાની ભાવિ વાગ્દતા ને લેવા આવનાર યુવાનની ઘાતકી હત્યા પછી હવે ભુજ ખાતે આજે વહેલી સવારે રાવલવાડી વિસ્તારના રઘુવંશી ચોકડી નજીક આવેલ શિવમ પાર્ટી પ્લોટના પરપ્રાંતિય ચોકીદારની રહસ્યમય હત્યા થઈ જતા ચકચાર વ્યાપી ગઈ છે. આજે વહેલી સવારે શિવમ પાર્ટી પ્લોટના ચોકીદાર તરીકે નોકરી કરતો શિવો માતા પ્રસાદ દ્વિવેદી નામનો ૪૦ વર્ષીય યુવક અત્યંત ગંભીર રીતે ઘાયલ અવસ્થામાં ગેટની બહાર નીકળતા નજરે પડ્યા બાદ કોઈ નાગરિકોએ શિવમ પાર્ટી પ્લોટના માલિકને જાણ કર્યા બાદ ગંભીર રીતે ઘાયલ શિવાને હોસ્પિટલ ખસેડાયો હતો પરંતુ તેની સારવાર મળે તે પહેલા જ તેનું પ્રાણ પંખેરુ ઉડી ગયું હતું અે/ડીવીઝન પી.આઇ. બારોટના જણાવ્યા પ્રમાણે મરણ જનાર યુવકના બંને પગ પર પાવડાના હાથાથી તીવ્ર પ્રહાર કરીને બંને પગને ભાગી નખાયા હતા ઉપરાંત તેને છાતીમાં પણ ગંભીર ઇજાઓ કરી હોવાનું જાણવા મળે છે આ યુવાનની હત્યા કોણે કરી અને શા માટે કરી છે તે અંગેની તપાસ ભુજ એ/ડિવીઝન પી.આઇ. એ હાથ ધરી છે. આ ઘટનાએ ભુજમાં સનસનાટી મચાવી દીધી છે.
પ્રકાશિત : નિતેશ ગોર – 9825842334
