કચ્છ જિલ્લામાં ચકચારી બનેલ દિલીપ આહીર નામના યુવાનને હનીટ્રેપમાં ફસાવી રૂપિયા ચાર કરોડની ખંડણી માગી દિલીપ આહીરને આત્મહત્યા કરવા મજબૂર કરાયાની ઘટનામાં હની ટ્રેપનો કિરદાર નિભાવનાર દિવ્યા ચૌહાણના સાથી કર્મચારી અને જે તે વખતે દિવ્યા સાથે ભુજ આવેલ અને બાદમાં હનીટ્રેપનો ભાંડો ફૂટ્યાની જાણ થતા ફરાર થઈ ગયેલ ગીર સોમનાથ વિસ્તારના અજય જગદીશ દેવડીયા (પ્રજાપતિ) નામના આરોપીને પોલીસે આખરે પકડી લીધો છે. અજય પકડાઈ જતા હવે વધુ કેટલાક હનીટ્રેપ પ્રકરણમાં ખુલાસા થવાની શક્યતા જોવાય છે. આ સાથે જ અત્યાર સુધી આ ઘટનામાં મુખ્ય સૂત્રધાર મનાતી મનીષા ગૌસ્વામી, દિવ્યા ચૌહાણ સહિત સાત આરોપી પકડાઈ ચૂક્યા છે તો આ પ્રકરણમાં સંડોવાયેલ મનાતા અંજારના વ્યવસાય એડવોકેટ કોમલ જેઠવા અને તેના સાથી આશિષ મકવાણા હજુ પોલીસ પકડથી દૂર છે. નોંધનીય છે કે કોમલ જેઠવાએ માંગેલા આગોતરા જામીન ના મંજુર થયા છે.
પ્રકાશિત નિતેશ ગોર – 9825842334
