અબડાસાના કોઠારા ગામ સપ્તાહ અગાઉ એક યુવાનને કૂવામાંથી લાશ મળી આવ્યા બાદ આ ઘટના શંકાસ્પદ જણાતા કોઠારા પી.એસ.આઇ., વાય. પી. જાડેજાઅે ઊંડી તપાસ હાથ ધરતા આખરે શંકા સાચી ઠરી હતી. સંબંધિત મરણ જનાર રાજેશ જોગી નામના યુવાનની કૂવામાં ધક્કો મારીને ઠંડે કલેજે હત્યા કરી દેવાઈ હતી આ મામલે ગામના કનૈયા દામજી જોગી નામના યુવકની ઘનિષ્ઠ પૂછપરછ બાદ આખરે તેણે આ ગુનો કબૂલી લેતા તેની વિધિવત રીતે ધરપકડ કરાઈ છે આરોપીની પૂછપરછમાં બનાવના દિવસે બંને મિત્રો કોઈ બાબતે વાતો કરતા કરતા ત્યાંથી લાશ મળી તે કુવા પાસે પહોંચ્યા બાદ આરોપી કનૈયાએ રાજેશ ને કૂવામાં ધકેલી પોતાના ઘરે ચાલ્યો ગયો હતો આ તરફ કૂવામાં પડી ગયેલા રાજેશ તરફડીયા મારતો મારતો મોતને ભેટ્યો હતો. કોઠારા ફોજદાર વાય.પી. જાડેજાએ મરણ જનારના કાકાની ફરિયાદના આધારે આરોપી સામે હત્યાની કલમ નો ગુનો નોંધી આગળની કાર્યવાહી હાથ ધરી છે.
અહેવાલ અબડાસા પ્રતિનિધિ
પ્રકાશિત નિતેશ ગોર – 9825842334
