અબડાસા તાલુકાના કોઠારા નજીકના ખીરસરા ગામના બે દિવસથી લાપતા ક્ષત્રિય યુવાનની હત્યા કરાયેલી લાશ મળી આવતા સનસનાટી મચી ગઇ છે ગત સપ્તાહે કોઠારા ગામે સુથરીના જયેશ રાજગોર નામના વિપ્ર યુવાનની હત્યા થયાને ગણતરીના દિવસો થયા છે ત્યાં આજે વધુ એક યુવાન મિતરાજસિંહ હઠુભા જાડેજા નામના 18 વર્ષીય યુવાનની હત્યા કરાયેલી લાશ મળી આવતા કોઠારા પોલીસ દોડતી થઇ ગઇ છે. કોઠારા પોલીસ સ્ટેશનના પી. એસ. આઈ શ્રી જાડેજાએ પ્રાથમિક વિગતો આપતા જણાવ્યું હતું કે ખીરસરા ગામનો મિતરાજસિંહ જાડેજા નામનો યુવાન ગુમ હતો આ દરમિયાન આજે તેની લાશ મળી આવી છે મૃતક યુવાન પર જીવલેણ હુમલો કરાયો છે અને તિક્ષણ હથિયારના ઘા મારી તેની હત્યા કરાઇ હોવાનું જણાઈ આવે છે આ અંગેની વધુ તપાસ હાથ ધરાઇ છે અને લાશને પીએમ માટે ખસેડવામાં આવી છે આ ઘટનાએ કોઠારા પંથકમાં સનસનાટી મચાવી દીધી છે. આ ઘટનાના પગલે કોઠારા પી.એસ.આઇ.ગુલાબસિંહ જાડેજા ઘટના સ્થળે પોલીસ કાફલા સાથે પહોંચી સમગ્ર ઘટનાની છાનબીન હાથ ધરી છે.
પ્રકાશિત નિતેશ ગોર – 9825842334
