સરકારની સહાયથી હું મારા પરીવાર માટે પાકું મકાન બનાવી શક્યો
પ્રધાનમંત્રી આવાસ યોજનાના લાભાર્થી હુસેન જુમા થેબાએ ખુશી સાથે જણાવ્યું હતું કે, જો સરકારની આ યોજનાનો લાભ મને ન મળ્યો હોત તો હું અને મારો પરીવાર આજેપણ જર્જરીત મકાનમાં રહીને ઋતુગત સમસ્યાનો સામનો કરી રહ્યા હોત. કચ્છ જિલ્લાના ભુજ તાલુકાના જદુરા ગામના રહેવાસી હુસેનભાઇ થેબાએ જણાવ્યું હતું કે, વડીલોના જુના મકાનમાં મારા પરીવાર સાથે હું રહેતો હતો. પરંતુ જુનું મકાન હોવાથી જર્જરીત થઇ જવાં સાથે તેની છત તુટી જતાં ઉપર પતરા નાખીને પરેશાની વચ્ચે જીવતો હતો. પરંતુ સરકારે મારી મુશ્કેલી દુર કરીને મને પાકી છત સાથેનું પાકું મકાન આપ્યું તે બદલ હું પ્રધાનમંત્રીશ્રી તથા ગુજરાત સરકારનો આભારી છું. પ્રધાનમંત્રી આવાસ યોજના હેઠળ મને સહાય મળતા આજે હું પાકા મકાનમાં મારા પરીવાર સાથે સુખરૂપ જીવન જીવી રહ્યો છું.
પ્રકાશિત નિતેશ ગોર – 9825842334
