20 દિવસ પહેલા પૂર્ણમ કુમાર સાહુને પાકિસ્તાની રેન્જર્સે કસ્ટડીમાં લીધા હતા…
પાકિસ્તાન સાથે ચાલી રહેલા તણાવ વચ્ચે, ભારતને વધુ એક મોટી સફળતા મળી છે. ભારતના દબાણ હેઠળ, પાકિસ્તાને BSF જવાન પૂર્ણમ કુમાર સાહુને ધરપકડમાંથી મુક્ત કર્યા છે. 20 દિવસ પહેલા પૂર્ણમ કુમાર સાહુને પાકિસ્તાની રેન્જર્સે કસ્ટડીમાં લીધા હતા. BSF જવાન પૂર્ણમ કુમાર સાહુ 23 એપ્રિલ, 2025’થી પાકિસ્તાન રેન્જર્સની કસ્ટડીમાં હતા. આજે, બુધવારે, તેમને સવારે લગભગ 10 : 30 વાગ્યે અમૃતસરની જોઈન્ટ ચેક પોસ્ટ અટારી દ્વારા ભારતને સોંપવામાં આવ્યા છે. આ ટ્રાન્સફર શાંતિપૂર્ણ રીતે અને સ્થાપિત પ્રોટોકોલ મુજબ કરવામાં આવ્યું હતું.
– જાણો સમગ્ર મામલો શું હતો…
વાસ્તવમાં, BSF કોન્સ્ટેબલ પૂર્ણમ કુમાર સાહુ પંજાબના ફિરોઝપુર સેક્ટરમાં પોસ્ટેડ હતા. ૨૩ એપ્રિલના રોજ, ભારત અને પાકિસ્તાન વચ્ચે વધતા લશ્કરી તણાવના શરૂઆતના દિવસોમાં, પૂર્ણમે ભૂલથી આંતરરાષ્ટ્રીય સરહદ પાર કરી દીધી હતી. આ પછી, તેને પાકિસ્તાની રેન્જર્સે કસ્ટડીમાં લઈ લીધો હતા.
પ્રકાશિત નિતેશ ગોર – 9825812334
