ગત તારીખ 29’મીએ ભુજની જી.કે.જનરલ હોસ્પિટલમાંથી નાસી જનાર અને ઉત્તરાખંડના નૈનીતાલથી ઝડપાઈ ગયેલ નિખિલ ડોંગા સહિત આરોપીઓના આજે રિમાન્ડ પૂરા થતાં પોલીસે ચાર આરોપીઓના વધુ સાત દિવસના રિમાન્ડ સાથે અદાલતમાં રજૂ કરતા અદાલતે આગામી તારીખ 12’મી એપ્રિલ સાંજના ચાર વાગ્યા સુધી નિખિલ સહિતના ચાર આરોપીઓના રિમાન્ડ મંજૂર કર્યા હતા. ચાર આરોપીઓમાં મુખ્ય આરોપી (1) નિખિલ ડોંગા ઉપરાંત (2) ભરત રામાણી, (3) આકાશ આર્ય અને તાજેતરમાં જ પકડાયેલ જી.કે. જનરલ હોસ્પિટલનો કર્મચારી (4) વિજય સાંગાણીના 12’મી એપ્રિલ સુધી રિમાન્ડ મંજુર થતા આગળની તપાસ હાથ ધરાઇ છે અત્યાર સુધી આ ચકચારી પ્રકરણમાં બે પી.એસ.આઇ. સહિત 4 પોલીસકર્મી ઉપરાંત અન્ય 10 જેટલા આરોપીઓની ધરપકડ થઈ ચૂકી છે જેમાં ગોંડલના એક ભાજપના નેતાનો પણ સમાવેશ થાય છે.
પ્રકાશિત : નિતેશ ગોર – 9825842334
