કચ્છ કાનૂન એન્ડ ક્રાઈમ મેગેઝિનના તાજેતરના અંકમાં કચ્છના ઠગ બાજો વિશે પ્રસિદ્ધ થયેલ તંત્રીલેખની પશ્ચિમ કચ્છ પોલીસે ગંભીરતાથી નોંધ લીધી…
તાજેતરમાં પશ્ચિમ કચ્છ જિલ્લા પોલીસ દ્વારા પશ્ચિમ કચ્છમાં કાર્યરત વિવિધ પ્રકારની ઠગાઈની મોર્ડર્સ ઓપરેંટી ચલાવી રાજ્ય અને રાજ્ય બહારના અનેક લોકોને સસ્તા ભાવે સોનું આપવાની કે એકના ડબલ કરી આપવાની મોડસ ઓપરેંટી ચલાવી લોકોને છેતરતા અપરાધીઓને તાજેતરમાં કડક ચેતવણી આપી આવા તત્વોને કડક શબ્દોમાં ચીમકી અપાઈ હતી. જેમાં હવે પછી કોઈપણ અપરાધી કે ગેંગ દ્વારા સસ્તા સોનાના નામે અથવા એકના ડબલ કરી આપવાના નામે છેતરવામાં આવશે તો એવા અપરાધીઓ સામે “Gujcet Tok” પાસા અને તેમની મિલકત જપ્તી સહિતની કાર્યવાહી કરવામાં આવશે તેવી ચેતવણી આપવામાં આવી હતી. કચ્છ જિલ્લામાં ખાસ કરીને પશ્ચિમ કચ્છ વિસ્તારમાં રાજ્યના અને રાજ્ય બહારના અનેક લોકોને સસ્તા ભાવે સોનું આપવાનું કહી, કે પછી એકના ડબલ કરી આપવાની લાલચ આપી છેતરવામાં આવતા હોવાની અનેક ઘટનાઓ સામે આવી ચૂકી છે જે પૈકી અનેક કિસ્સામાં પોલીસે ભોગ ગ્રસ્તોને ગુમાવેલી રકમ પરત અપાવી છે અનેક કિસ્સા એવા પણ છે જે કોઈ કારણોસર દબાયેલા રહ્યા છે આવા તત્વોને સીધા દોર કરવા માટે પોલીસે હવે કમર કસી છે. સતત બનતી આવી ઘટનાઓના પગલે કચ્છને પણ બદનામ થવું પડે છે ઉપરાંત ઉપરા ઉપરી બનતી આવી ઘટનાઓના કારણે પોલીસ પ્રશાસનને પણ બદનામ થવું પડે છે જેની ગંભીરતાથી આખરે નોંધ લેવાઇ છે.
આવી ઘટનાઓને લઈ તાજેતરમાં પ્રસિદ્ધ થયેલા કચ્છ કાનૂન એન્ડ ક્રાઈમ મેગેઝીનના અંકમાં તંત્રીલેખ લખીને અમોએ જવાબદાર તંત્રોની અને સરકારની આંખ ઉગાડવા પ્રયાસ કર્યો હતો જેની આખરી ગંભીરતાથી નોંધ લેવાય છે.
પ્રકાશિત નિતેશ ગોર – 9825842334
