ગુજરાત પોલીસની સ્ટેટ મોનિટરિંગ સેલ ટીમ દ્વારા ભુજ તાલુકાના સેડાતા અને ભારાપરની સીમા રમાઈ રહેલ હાઈ પ્રોફાઈલ જુગાર કલબ પર દરોડાના પગલે કચ્છ બોર્ડર રેન્જ IG ચિરાગ કોરડીયા અને પશ્ચિમ કચ્છ SP વિકાસ સુંડા દ્વારા તાત્કાલિક આ ગંભીર બેદરકારી મામલે માનકુવા પોલીસ સ્ટેશનના પોલીસ ઇન્સ્પેક્ટર કુલદીપ ગઢવીને ફરજમાં બેદરકારી સંદર્ભે સસ્પેન્ડ કરાયા બાદ ગણતરીના કલાકોમાં કેરા આઉટ પોસ્ટના જવાબદાર ASI જયંતિ મહેશ્વરી તેમજ ડી-સ્ટાફના ઇન્ચાર્જ ઉપેન્દ્રસિંહ રાણાને તાત્કાલિક અસરથી સસ્પેન્ડ કરી દેવાતા પોલીસબેડામાંમાં ચકચાર મચી ગઈ છે. લાંબા સમય બાદ કચ્છમાં SMC,ના દરોડા અનુસંધાને સ્થાનિક પોલીસ પર ગાજ ઉતરી હોય એવી આ ઘટના બની છે. બીજી તરફ મુન્દ્રા ખાતે ડીઝલ ચોરીના ખૂબ મોટા કૌભાંડનો પણ SMC’એ પર્દાફાસ કર્યો છે ત્યારે આ પર્દાફાસ કર્યા બાદ આગળ શું પગલાં લેવાય છે તેની તરફ સૌની મીટ મંડાઈ છે.
પ્રકાશિત – નીતેશ ગોર ભુજ
