ભુજના હમીરસર તળાવમાં પાણીની સપાટી ઉપર એક મૃતદેહ તરી રહ્યા હોવાનું સ્થાનિક લોકોને નજરે ચડતા સ્થાનિક લોકોએ તાત્કાલિક પોલીસને જાણ કરી હતી. ભુજ એ/ડિવિઝન પોલીસે ફાયર ટીમની મદદ વડે મૃતદેહને તળાવના પાણીમાંથી બહાર કાઢી કબ્જો લઈ પોસ્ટમોર્ટમ માટે જી.કે. જનરલ હોસ્પિટલ ખાતે ખસેડી આગળની તપાસ હાથ ધરી છે. આ બનાવ આત્મહત્યાનો કે અકસ્માત મોત છે તે જાણી શકાયું નથી પરંતુ હાલ પોલીસે મૃતદેહનો કબ્જો લઈ આગળની તપાસ હાથ ધરી છે. હાલ મરણ જનાર કોણ છે તે જાણી શકાયું નથી પોલીસે આકસ્મિક ગુનો નોંધી આગળની તપાસ આરંભી છે. ફાયર ટીમની મદદથી પાણીમાંથી મૃતદેહ બહાર કઢાયો હતો. આ કામગીરીમાં ફાયર ટીમના જીગ્નેશ જેઠવા, ઈસ્માઈલ જત, સુનિલ મકવાણા, જગા રબારી, ભરતસિંહ જાડેજા, ફાયર ટ્રેઈની સ્ટાફ જોડાયો હતો.
પ્રકાશિત નિતેશ ગોર – 9825842334
