મુન્દ્રા ખાતે ૧૭ લાખની ઠગાઇના ગુનામાં સાત મહિનાથી ફરાર આરોપીને મુન્દ્રા પોલીસ અને પશ્ચિમ કચ્છ પોલીસની પેરોલ ફર્લો ટીમે રાજસ્થાનથી ઝડપી પાડયો

મુન્દ્રા ખાતે ગત વર્ષ દરમિયાન એટલે કે સાત મહિના પહેલા ૧૭ લાખ રૂપિયાની ઠગાઇ એક ફરિયાદ મુન્દ્રા પોલીસ સ્ટેશને નોંધાઈ હતી આ ફરિયાદ અનુસંધાને સાત મહિનાથી ફરાર થઈ ગયેલા મુકેશકુમાર શ્રીકલ્યાણ સહાય મીના નામનો આરોપી હાથ પડયો હતો આ અંગે બોર્ડર રેન્જના આઈ.જી સુભાષ ત્રિવેદી, પશ્ચિમ કચ્છ પોલીસવળા સૌરભ તોલંબિયાની સૂચના પ્રમાણે પી.આઈ પી.કે. પટેલના માર્ગદર્શન હેઠળ પેરોલ ફર્લો સ્ક્વોડના એસ.આઈ., એમ.કે. ચૌધરી, મુન્દ્રા પોલીસ સ્ટેશનના હેડ કોન્સ્ટેબલ દેવરાજ ગઢવી, સુરેશ ચૌધરી, પેરોલ ફર્લોના હેડ કોન્સ્ટેબલ રઘુવીરસિંહ જાડેજા વગેરે રાજસ્થાન પહોંચી આરોપી મુકેશ કુમાર મીના પોતાના ગામ બાગડી મુકામે હોવાની બાતમી મળતા થાનાગંજ તાલુકાના બાઘરી મુકામે દરોડો પાડી આરોપીને પકડી પાડ્યો હતો મુકેશકુમાર મીના નામના આરોપીને પકડી મુન્દ્રા પોલીસ સ્ટેશનના હવાલે કરાયો છે

સ્ટોરી : સમીર ગોર મુન્દ્રા
પ્રકાશિત : નિતેશ ગોર – 982584334