પૂર્વ કચ્છના અંજાર સીમમાં આવેલી શાંતિલાલ શામજી ડાંગર, મુકેશ લખુ ડાંગર રહે. બન્ને સાપેડા તાલુકો અંજાર જેના કબ્જા ભોગવટાની વાડીમા મનુભા વીઠુભા વાઘેલા રહે. પડાણા તાલુકો ગાંધીધામ વાળાએ વાડીમાં ઈંગ્લીશ દારૂનો જથ્થો ઉતાર્યો હોવાની બાતમી અંજાર પી.આઈ એમ.એન. રાણાને મળી હતી અને તાત્કાલીક અંજારથી સાપેડા જતા એચ.પી. પેટ્રોલપંપ રોડ પર અંજાર સીમમાં આવેલી વાડીમાં રેડ પાડી હતી જયાંથી ઈંગ્લીશ દારૂની ૬૦૦ પેટીઓ જપ્ત કરી હતી જેમાં ૭૫૦ એમ.એલ. ની ૭,૫૦૦ બોટલ કિંમત રૂ.૨૫,૨૦,૦૦૦ અને અલ્ટો કાર, બે બાઇક, એક મોપેડ અને ત્રણ મોબાઈલ મળી કુલ ૨૭, ૮૦, ૫૦૦/- ના મુદ્દામાલ સહિત આરોપી શાંતિલાલ ઉર્ફે પટેલ શામજી ડાંગર ઉ.વર્ષ.૪૫ રહે. સાપેડા તાલુકો અંજાર વાળાને ઝડપી પાડી આગળની વધુ તપાસ હાથ ધરી હતી. જ્યારે મુકેશ લખુ ડાંગર રહે. સાપેડા અને મનુભા વિઠુભા વાઘેલા રહે. ગડપાદર તાલુકો ગાંધીધામ રેડ પડ્યાં પહેલા નાસી ગયા હતા જેને ઝડપી લેવા પોલીસે કામગીરી આદરી છે આ કામગીરીમાં અંજાર પોલીસ મથકના પી.આઈ., એમ.એન રાણા સાથે પોલીસ સ્ટાફ જોડાયો હતો.
અહેવાલ : અંજાર બ્યુરો
પ્રકાશિત નિતેશ ગોર – 9825842334
